English| മലയാളം

ആമുഖം

 

കണ്ണൂര്‍ ജില്ലയിലെ ഒരു പ്രധാന പട്ടണമാണ് കൂത്തുപറമ്പ്. ഒരു മലയോര പട്ടണമാണിത്. ഒരു നഗരസഭയും ബ്ലോക്ക് പഞ്ചായത്തുമാണ്‌ കൂത്തുപറമ്പ്. 1994 നവംബര്‍ 25-ന് ഇവിടെ നടന്ന പോലീസ് വെടിവെപ്പില്‍ അഞ്ചു പേര്‍ മരിക്കാനിടയായി. ഈ സംഭവം കൂത്തുപറമ്പ് വെടിവെപ്പ് എന്ന പേരില്‍ അറിയപ്പെടുന്നു. ചാക്യാര്‍കൂത്തിലെ പറക്കും കൂത്ത് അവതരിപ്പിച്ചിരുന്ന സ്ഥലമാണിതെന്നും അതിനാലാണ് സ്ഥലനാമത്തില്‍ കൂത്ത് എന്ന വാക്ക് എന്നും അനുമാനിക്കപ്പെടുന്നു. കേരളത്തില്‍ പറക്കും കൂത്തുമായി ബന്ധപ്പെട്ട് വേറെയും സ്ഥലങ്ങളുണ്ട്.

 

കൂത്തുപറമ്പ് റവന്യു വില്ലേജ് ആയിരുന്നു. 1939 ല്‍ കൂത്തുപറമ്പ് പഞ്ചായത്ത് രൂപീകരിക്കുകയും പ്രഥമപ്രസിഡന്റായി ഡോ. ഡി.കുമാരന്‍ തെരഞ്ഞെടുക്കുകയും ചെയ്തു. തുടര്‍ന്ന് കേളോത്ത് മുരിക്കഞ്ചേരി ഗോപാലന്‍, കെ.കെ.നായര്‍ എന്നിവര്‍ തെരഞ്ഞെടുക്കപ്പെട്ടു. വി.കെ.ചന്ദു പ്രസിഡന്റായിരിക്കെയാണ് 1990 ല്‍ നഗരസഭയായി രൂപം കൊള്ളുന്നത്. ആദ്യ നഗരസഭാ ചെയര്‍മാന്‍ സി.വി.മാലിനി ആയിരുന്നു.

 

പൊതുവിവരങ്ങള്‍

 

ജില്ല                                        : കണ്ണൂര്‍ 
വിസ്തീര്‍ണ്ണം                               : 16.76 ച.കി.മീ
കോഡ്                                     : M130300
വാര്‍ഡുകളുടെ എണ്ണം                 : 28 
ജനസംഖ്യ                                : 28907
പുരുഷന്മാര്‍                             ‍  : 13806
സ്ത്രീകള്‍                                   ‍  : 15101
ജനസാന്ദ്രത                               : 1725
സ്ത്രീ : പുരുഷ അനുപാതം              : 1094
മൊത്തം സാക്ഷരത                    : 94.08
സാക്ഷരത (പുരുഷന്മാര്‍ )             : 96.85
സാക്ഷരത (സ്ത്രീകള്‍ )                   : 91.6
Source : Census data 2001